மதுரை: யுபிஎஸ்சி குடிமைப்பணி தேர்வில் தேசிய அளவில் 2-வது இடம் பெற்று மதுரை வாடிப்பட்டி சேர்ந்த ராஜேஸ்வரி சுவே சாதனை படைத்துள்ளார். அவர், வாடிப்பட்டியில் இருசக்கர வாகன உதிரிபாகக் கடை நடத்தும் முருகதாஸின் மகள் .
ராஜேஸ்வரி சுவே 2018-ல் பி.இ (EEE) முடித்து போட்டித் தேர்வுகளுக்குத் தயாராகி வந்தார். ஏற்கெனவே மூன்று முறை யுபிஎஸ்சி தேர்வு எழுதிய நிலையில், 2024-ல் டிஎன்பிஎஸ்சி குரூப்-1 தேர்வில் தேர்ச்சி பெற்று துணை ஆட்சியராக பணியில் சேர்ந்தார். தற்போது சென்னை தலைமைச் செயலகத்தில் பயிற்சி அதிகாரியாக பணியாற்றி வருகிறார்.
ராஜேஸ்வரி சுவே (Rajeshwari Suve M) பற்றிய முக்கிய தகவல்கள்:
சொந்த ஊர்: மதுரை, வாடிப்பட்டி.
கல்வி: சென்னையில் உள்ள அண்ணா பல்கலைக்கழகத்தில் மின்சாரப் பொறியியல் (Electrical Engineering) முடித்துள்ளார்.
பின்னணி: இவரது தந்தை இருசக்கர வாகன உதிரிபாகக் கடை வைத்துள்ளார், தாய் இணைப் பேராசிரியராகப் பணியாற்றியவர்.
தற்போதைய பதவி: UPSC தேர்வில் வெற்றி பெறுவதற்கு முன், TNPSC குரூப் 1 தேர்ச்சி பெற்று திண்டுக்கல்லில் துணை ஆட்சியராகப் பணியில் இருந்தார்.
விருப்பப் பாடம் (Optional Subject): சமூகவியல் (Sociology).
சாதனை: 2025 UPSC சிவில் சர்வீஸ் தேர்வில் அகில இந்திய அளவில் 2-வது இடம்.
2024-ல் TNPSC-ல் வெற்றி பெற்றவர், தற்போது 2025 UPSC-லும் தேசிய அளவில் 2-வது ரேங்க் பெற்று தமிழ்நாட்டுக்குப் பெருமை சேர்த்துள்ளார். தொடர்ந்து கடின உழைப்பு மற்றும் பொது சேவையில் தன் அர்ப்பணிப்பை நிரூபித்துள்ளார்.
இதுகுறித்து ராஜேஸ்வரி சுவே கூறுகையில், "7 ஆண்டுகளாக தொடர்ந்து முயற்சி செய்து உழைத்ததன் பலனாக இந்த வெற்றி கிடைத்துள்ளது. பெற்றோரின் ஊக்கமும், நான் முதல்வன் திட்டத்தின் ஆதரவுமே எனது சாதனைக்கு காரணம்" என்றார்.