செய்திகள்

வாஷிங்டன்: அமெரிக்க அதிபர் டொனால்டு ட்ரம்​பை, உக்​ரைன் அதிபர் ஜெலன்​ஸ்கி இன்று வாஷிங்​டனில் சந்தித்து பேசுகிறார். ரஷ்​யா - உக்​ரைன் இடையி​லான போர் குறித்து முக்கிய ஆலோசனை நடத்தப்படலாம் என தகவல்.

அமெரிக்க அதிபர் ட்ரம்​ப் மற்றும் ரஷ்ய அதிபர் விளாடிமிர் புதின் இருவரும் நேற்று முன்தினம் (15-08-2025) அமெரிக்​கா​வின் அலாஸ்கா மாகாணம் ஆங்​கரேஜ் நகரில் சந்தித்து பேசினார். அப்​போது ரஷ்​யா - உக்​ரைன் இடையி​லான போர் குறித்து விரி​வாக ஆலோ​சனை நடத்தப்பட்டது.

அதன் தொடர்ச்சியாக உக்​ரைன் அதிபர் ஜெலன்​ஸ்கி-யை இன்று சந்தித்து பேசுகிறார் டிரம்ப். இந்த சந்திப்பில் உக்​ரைன் அதிபருடன் ஐரோப்​பிய ஒன்​றி​யத்​தின் தலை​வர் உர்​சுலா வோன் டெர் லியென், ஜெர்​மனி பிரதமர் பிரெட்​ரிக் மெர்​ஸ், பிரிட்​டிஷ் பிரதமர் கெய்ர் ஸ்டார்​மர், இத்​தாலி பிரதமர் மெலோனி ஆகியோ​ரும் இணைந்து அதிபர் ட்ரம்பை சந்​திப்​பார்​கள் என்று தகவல்​கள் கசிந்துள்ளன.

இந்த சந்திப்பு பற்றி உக்​ரைன் வட்டாரங்கள் கூறியதாவது: "உக்​ரைனின் டோன்​ஸ்க் பகுதியை சொந்தம் கொண்டாடும் ரஷ்யா அங்கு சுமார் 70% நிலப்​பரப்பை கைப்பற்றி விட்டது. போரை நிறுத்த வேண்டுமானால் டோன்​ஸ்க் பகு​தியை முழு​மை​யாக ரஷ்​யா​விடம் ஒப்​படைக்க வேண்​டும் எனவும் அதற்கு ஈடாக ஈடாக ரஷ்யா-விடம் உள்ள மிகச் சிறிய பகு​தியை உக்​ரைனுக்கு வழங்கவும் ரஷ்யா அதிபர் ஒப்புதல் கொடுத்துள்ளதாக தகவல் வெளியாகியுள்ளது. இந்த டோன்​ஸ்க் பகுதி ராணுவ ரீ​தி​யாக மிக​வும் முக்​கி​யத்​தும் வாய்ந்​தது. இந்த பகு​தி​யில் அரிய வகை இயற்கை வளங்​கள் நிறைந்​துள்​ளன. அதனால் இந்த பகு​தியை விட்​டுக் கொடுக்க முடி​யாது எனவும் உக்ரைன் தரப்பில் தெரிவித்து வருகிறோம். உக்​ரைனுக்கு ஆதர​வாக ஐரோப்​பிய நாடு​கள் உள்ள நிலையில் இது குறித்தும் அமெரிக்க அதிபர் டிரம்ப் - உடனான சந்திப்பில் ஆலோசனை நடத்தப்படும்".